32/2013
ITTRA PASTORALI
tal-E.T. Mons. Mario Grech
Isqof ta’ Għawdex
WARDA ĠDIDA FIL-ĠNIEN TA’ GŻIRITNA
Lir-Reverendi Arċiprieti, Kappillani, Retturi ta’ Knejjes, Superjuri Reliġjużi, Persuni Kkonsagrati u Lajċi Nsara.
Għeżież,
Fostna hawn ħafna tajjeb! Kuljum jiftaħ ward ġdid imlibbes b’ilwien sbieħ u jarmi fwieħa li tgħaxxaq. Imma spiss jiġrilna li, għalkemm dan kollu qed jiġri taħt għajnejna u madwarna, aħna ma nintebħux bih. Forsi għax dak li huwa negattiv fil-ħajja jisirqilna l-attenzjoni. Jista’ jkun ukoll għax nafu nkunu mifxulin u aljenati! Imma dan jista’ jiġri wkoll għaliex bil-mod il-mod bħal donnu qegħdin nitilfu s-sensibbiltà li nammiraw u napprezzaw il-ġmiel veru!
Fil-fehma tiegħi l-ġrajja ta’ żewġ xebbiet minn tagħna li nhar il-Ħadd li ġej ser jikkonsagraw ruħhom lil Alla u jingħaqdu fl-Ordo Virginum jew fil-kategorija tal-Verġni Kkonsagrati, hija warda sbejħa u ġdida li kibret fil-ġnien ta’ gżiritna! Continue reading >>
Bishops’ statement on the Pastoral Letter ‘Celebrating Human Life’
Our motivation for writing this Pastoral Letter was to carry out our duty of preaching to Catholics, those principles of the faith in which they should believe and how these may be applied to moral life.
Our mission as Bishops makes sense only if it is one with Christ. This unity can only be guaranteed if it is in conformity with the teachings of the Magisterium. This applies also in the case of priests. For this reason, we are appreciative of the fact that a large number of priests are in communion with us, the Bishops. Continue reading >>
Stqarrija mill-Isqfijiet dwar l-Ittra Pastorali ‘Niċċelebraw il-Ħajja Umana’
Meta ktibna din l-Ittra Pastorali aħna konna mmexxija mid-dmir tagħna li nippriedkaw lil kattoliċi l-fidi li għandhom jemmnu u japplikaw fil-ħajja morali.
Il-missjoni tagħna l-Isqfijiet tagħmel sens biss jekk inkunu f’għaqda ma’ Kristu. Din l-għaqda hija garantita jekk it-tagħlim tagħna jkun jaqbel mal-Maġisteru. Dan jgħodd ukoll għas-saċerdoti. Ghalhekk napprezzaw ħafna li s-saċerdoti tagħna fil-parti l-kbira tagħhom huma f’komunjoni magħna l-Isqfijiet. Continue reading >>
Published on August 7, 2012
in 2012.
“Isimgħu lilu”
Fl-okkażjoni tal-Festa tas-Salvatur ċċelebrata lbieraħ (it-Tnejn, it-Tnejn 6 ta’ Awwissu 2012) waqt quddiesa pontifikali li saret fil-bażilka ta’ San Ġorġ, Għawdex, fl-omelija l-Isqof Mario Grech fisser kemm huwa f’waqtu dak li qal il-Missier fuq l-għolja tat-Tabor fejn seħħet it-trasfigurazzjoni: “Dan hu Ibni l-għażiż, isimgħu lilu”.
“L-ikbar sfida li għandha l-Knisja llum hija kif ser tgħin lin-Nisrani jisma’ lil Kristu. Kull ma jmur dan qed isir diffiċli għax fostna hawn diversi ilħna kontra xulxin. Continue reading >>
Published on August 5, 2012
in 2012.
IL-QADDEJ TA’ ALLA DUN MIKIEL ATTARD
IMSAĦĦAR MILL-ĠMIEL TA’ ALLA INKARNAT
Omelija ta’ Mons Isqof Mario Grech
Quddiesa fit-tmien anniversarju mill-mewt ta’ Dun Mikiel Attard
Santwarju tal-Madonna Ta’ Pinu – L-Erbgħa, 1 ta’ Awwissu 2012
Is-siġra ikona tal-ħajja
Rebbieħ tal-Premju Nobel, Aleksandr Solzhenitsyn, josserva li l-ħajja tal-lum qisha siġra li għanda diversi friegħi.
Hemm il-fergħa tal-liġijiet, inklużi dawk morali, li l-bniedem ta’ żmienna qaċċat għaliex iddejjaq jisma’ bil-liġijiet u jitnaffar x’ħin tiffaċċjah bir-regoli tal-ħajja. Huwa fatt li llum għandna t-tendenza li rridu nkunu ħielsa minn kollox u l-imġiba, anke tagħna l-Insara, qed issir imġiba amorali, jiġifieri mingħajr regola tal-morali. Infatti, misjuqin mill-utilitariżmu, naslu biex nammettu u niġġustifikaw kollox. Continue reading >>
MONS. MARIO GRECH
ISQOF TA’ GĦAWDEX
EDITT
Inquisitio dioecesana super vita, virtutibus heroicis et super sanctitatis signorumque fama
Servi Dei MICHAELIS ATTARD, Sacerdotis Diocesani (1933 - 2004).
MeMeta nqis l-għatx li l-bniedem ġenwin illum għandu għal Alla, nilqa’ bil-ferħ it-talba li saritli mill-Kleru tad-djoċesi tagħna biex nibda l-kawża tal-beatifikazzjoni u l-kanonizzazzjoni tal-Qaddej ta’ Alla DUN MIKIEL ATTARD, saċerdot iben din il-Knisja lokali, għaliex din it-talba mhux biss tesprimi x-xewqa li l-Knisja tirrikonoxxi l-qdusija ta’ dan il-Qaddej ta’ Alla, imma aktar minn hekk ninterpretaha bħala inizjattiva mmirata biex napprezzaw u nippruvaw nifhmu kif Alla l-Qaddis għadu jaħdem fil-bniedem li jiftaħ qalbu għalih.
Continue reading >>
Published on July 12, 2012
in 2012.
Ħelsien minn kull forma ta’ jasar
Sintesi tal-omelija tal-Isqof Mario Grech waqt quddiesa pontifikali li saret fil-KonKatidral ta’ San Ġwann, dalgħodu, il-Ħamis 12 ta’ Lulju 2012, fl-okkażjoni tal-Police Day.
“Fis-soċjetà affluenti tal-lum il-bniedem qed iħossu awtosuffiċjenti u għalhekk qed iwarrab lil Alla mill-ħajja privata u pubblika. Kif jikteb Dostoevsky, il-bniedem li ma jibżax minn Alla, ibeżża’, għax dan jasal biex jagħmel kollox. Huwa fatt li llum kotru l-inġustizzji, tferrxet aktar l-immoralità, u l-politika, li suppost hija arti nobbli, tħammġet ħafna! Aktar ma jgħaddi ż-żmien aktar qed tiżdied l-infedeltà tal-bniedem lejn Alla, lejn il-verità, lejn il-prinċipji li jistqarr li jħaddan u lejn l-istess bniedem! Continue reading >>
Uffiċċju Komunikazzjoni
Arċidjoċesi ta’ Malta
5 ta’ Lulju, 2012
84/2012
IL-MEWT TA’ MAMADOU KAMARA
Aħna l-Isqfijiet ta’ Malta u Għawdex irridu nuru n-niket profond u t-tħassib tagħna għall-mewt traġika tal-immigrant mill-Mali, Mamadou Kamara. F’isem il-komunità Nisranija f’pajjiżna noffru l-kondoljanzi lill-familja u l-ħbieb tieghu. F’dan il-mument, nixtiequ nesprimu s-solidarjetà tagħna mal-komunità tal-immigranti, speċjalment dawk mill-Mali, li tinsab fostna. Continue reading >>
