SOĊJETÀ FEJN TGĦAMMAR IS-SOLIDARJETÀ
Minkejja li llum twessgħet ix-xibka tal-komunikazzjoni bejnietna, ħafna drabi l-bniedem xorta waħda għadu jsib ruħu jgħix waħdu, imdawwar minn folla anonima, fejn il-vuċi tiegħu tibqa’ mhix mismugħa u bla tweġiba. Din is-solitudni mhux biss hija forma ġdida ta’ faqar, imma tkompli ttaqqal il-piż tal-faqar.
Tliet forom ta’ faqar
Kif ġie rrappurtat dan l-aħħar, f’pajjiżna hawn 15% tal-popolazzjoni fir-riskju ta’ faqar materjali. Dan il-fatt iħassibna ħafna. Għandna min hu fqir għax nieqes mill-mezzi. Hemm ukoll dawk li, għax għandhom mezzi limitati, ma jifilħux għal ċerti piżijiet finanzjarji anke ta’ ħwejjeġ essenzjali. Imbagħad hemm dawk li għandhom il-mezzi, imma ma jafux iħaddmu b’għaqal dak li għandhom u għalhekk iberbquh!
Continue reading >>
English Version (PDF)
Għeżież uliedna,Bħalma aħna dejjem emminna li n-nawfraġju u l-miġja tal-Appostlu Missierna San Pawl fostna ma seħħewx b’kumbinazzjoni, hekk illum inħossu li żjara pastorali fostna tal-Papa Benedittu XVI tistax tkun providenzjali għal pajjiżna.Lill-Maltin u lill-Għawdxin ta’ elfejn sena ilu Pawlu, permezz tal-predikazzjoni tiegħu u tal-waqfa tiegħu fil-gżejjer tagħna, laqqagħhom ma’ Ġesu’ Kristu u permezz tal-Evanġelju nissel it-tama nisranija fi qlubhom. Quddiem din iż-żjara tal-Papa fostna, u biex din il-ġrajja ma tkunx ċerimonjali biss, ikun tajjeb nieqfu u nistaqsu. Fejn qegħdin bħalissa fil-fidi tagħna u fiex qed jissarraf l-Evanġelju li rċevejna tant żmien ilu u li tul l-istorja sawwar l-identità u t-tradizzjonijiet tagħna? Aħna m’għandniex dubju li jekk niftħu qalbna għal din l-okkażjoni, jistax jkun għalina mument ta’ grazzja li jwettaqna u jsaħħaħna fil-fidi. Continue reading >>
English Version
Maħbubin Uliedna,
Fost il-ħafna ħwejjeġ pożittivi li għandna f’pajjiżna ninnutaw li kiber l-għatx għat-tagħlim, u billi l-opportunitajiet tat-tagħlim kotru, it-tagħlim infirex. Fl-istess waqt, jidher li għalkemm il-bniedem illum sar jaf jaqra, donnu għandu diffikultà biex jaqra l-istorja ta’ ħajtu u tal-ġens tiegħu; għalkemm il-bniedem kapaċi jgħodd in-numri, donnu qed jinfixel x’ħin jiġi biex jagħmel is-somom tal-ħajja tiegħu. Mogħni bl-għerf tax-xjenzi u t-teknoloġija, il-bniedem wasal biex isib tarf ta’ ħafna kobob imħabbla, imma fl-istess ħin il-kobba ta’ ħajtu aktar qed iħabbilha!
Continue reading >>
Beloved Sons and Daughters,
Among the many positive things we have in our country, we note that the thirst for learning has grown and, as learning opportunities have increased, teaching has spread. At the same time, although today man has learned to read, it seems he has a problem to read his life history and that of his nation; although man is capable to add numbers, he seems to find it difficult to work out the sum total of his life. Rich in the knowledge of science and technology, man has managed to unwind many entangled knots but, at the same time, he is becoming more confused in the way he lives.
Continue reading >>
Verzjoni PDF
English Version of Pastoral Letter can be read from here
ITTRA
PASTORALI
MILL-E.T. MONS. PAWL CREMONA O.P.
Arċisqof ta’ Malta
u
MILL-E.T. MONS. MARIO GRECH
Isqof ta’ Għawdex
AVVENT 2009
SEJĦULHOM KRISTJANI (Atti 11,26)
Maħbubin Uliedna,
Aħna qegħdin inwasslulkom din l-Ittra Pastorali tagħna għall-Avvent, iż-żmien li għalina l-Insara jrid iwassalna biex niċċelebraw it-twelid ta‟ Sidna Ġesù Kristu fostna.
Din is-Sena, dan l-Avvent se jkun ukoll magħqud ma‟ żewġ miġjiet oħra li huma maħsubin biex jgħinuna nilqgħu dan il-messaġġ.
Is-sena d-dieħla, fl-2010, aħna se nfakkru lil Missierna San Pawl fin-nawfraġju li wasslu fuq din il-gżira. Dak iż-żmien in-nies laqgħu lil San Pawl b‟att ta‟ karità, meta marru jgħinuh wara l-għarqa. Iżda huma wkoll, megħjunin mill-mirakli ta‟ San Pawl fuq il-gżira, laqgħu l-messaġġ tiegħu: it-tislima li tawh meta telaq mill-gżira tagħtina ħjiel li hu ħalla komunità ta‟ nsara warajh. Il-laqgħa ta‟ Pawlu mal-Gvernatur tal-gżira, Publju, tiġi murija fil-kuntest ta‟ miraklu, li dejjem jiġi marbut max-xandir tal-Kelma.
Din is-sena ġie mħabbar ukoll li se jkollna l-Qdusija tiegħu il-Papa Benedittu XVI li hu wkoll se jagħmel żjara fil-gżira tagħna. Huwa wkoll, bħal Ġesù l-ewwel, bħala San Pawl, se jwasslilna l-Aħbar it-Tajba għaż-żminijiet tagħna llum.
Continue reading >>
English Version
Ċirkulari 9/2009
Ittra tal-E.T. Mons Mario Grech
Isqof ta’ Għawdex
fl-okkażjoni tat-tnedija
tal-Kungress Ewkaristiku Djoċesan
“Jum il-Ħadd huwa sintesi tal-ħajja Nisranija”
(Dies Domini, n.81)
Maħbubin uliedi,
Serqulna Jum il-Mulej! Il-kuxjenza ta’ ħafna tant hija rieqda li mhux qed jindunaw li l-jum tal-Ħadd itteħdilna! Ilu żmien isiru għażliet żgħar, li bil-mod il-mod kienu qed inaqqru l-jum tal-Ħadd. Ir-raġunijiet li minħabba fihom fittixna li niġġustifikaw il-qerda tal-Ħadd huma varji: pressjoni ta’ xogħol matul il-ġimgħa, nuqqas ta’ ħin biex inlaħħqu mal-bżonnijiet ta’ kuljum, il-ħtieġa li ngibu ’l quddiem l-ekonomija biex joktor il-ġid, it-turiżmu u l-eżiġenzi tiegħu, eċċ.
Imma diġà qed naraw sinjali li juruna li proprju għax ma rrispettajniex il-Jum tal-Ħadd, qegħdin inħallsu prezz familjari u soċjali għoli.
Għalina ċ-ċittadini l-Jum tal-Ħadd huwa bżonn marbut mad-dinjità tan-natura umana. Il-ħaddiem għandu d-dritt għall-ħin biex jistgħana kulturalment u jistrieħ, waħdu jew ma’ oħrajn. Il-familja għandha d-dritt u d-dmir li almenu darba fil-ġimgħa tkun flimkien. Huwa dritt tal-bniedem li f’ħajtu jkollu ħin biex jiżviluppa u juża t-talenti tiegħu. Huwa wkoll dritt tal-bniedem li jkollu spazju fejn ikun jista’ jagħmel ħidma ta’ volontarjat. Il-bniedem ġustament jistenna li l-istruttura soċjali tkun tali li ma jkunx imġiegħel la li jaħdem nhar ta’ Ħadd u anqas li fil-jum tal-mistrieħ ikollu jagħmel dak li s-soltu jagħmel matul il-jiem tal-ġimgħa.
Continue reading >>
It-test sħiħ tal-Ittra Pastorali tista tinqara’ minn hawn
English Version of Pastoral Letter
“Alla jagħmel ġustizzja mal-magħżulin tiegħu”
Fil-Vanġelu li għadu kif ixxandrilna, Ġesù jistqarr: “Jien hu l-ħobż ħaj li niżel mis-sema”. Fil-ħajja ta’ kuljum, fuq il-mejda tal-ikel, il-ħobż ma jaqax mis-sema, imma wieħed irid jaħdem għalih! Normalment il-bniedem jaqla’ ħobżu b’għemil ġust; imma xi drabi l-ħobż jintgħaġen ukoll b’dirgħajn imċappsa b’azzjonijiet inġusti.
B’għafsa ta’ qalb ninnota li fostna hemm diversi li jokorbu għax iħossuhom vittmi ta’ xi inġustizzja.
Għemejjel ta’ inġustizzja
Il-Papa Benedittu XVI jgħid li l-ateiżmu ta’ żminijietna wassal għal għamliet akbar ta’ moħqrija u ksur tal-ġustizzja. Soċjetà konvinta li hija stess tista’ toħloq il-ġustizzja skont kif tħoss, jidhrilha u jaqblilha, għandha futur imċajpar.
Billi qed insiru torox għal Alla, il-faxxa tal-inġustizzji qed dejjem titwessa’:
• meta xi ħadd jew xi grupp jħammeġ l-isem jew il-memorja ta’ persuna billi jxerred qlajjiet bil-ħsieb li jdgħajfilha l-kredibilità jew ixekkilha fix-xogħol tagħha;
• għandna familji li m’għadhomx familja minħabba l-mod inġust kif tqassam il-ġid tal-familja; aħwa li ma jitkellmux minħabba abbużi konnessi mal-wirt;
• hemm familji li ġew misruqa minn ġid ogħla: il-fedeltà fiż-żwieġ. Din hija wkoll inġustizzja kontra l-istess istituzzjoni taż-żwieġ u l-familja.
• Fuq livell soċjali, insemmi l-kriżi finanzjarja li laqtet id-dinja.
Continue reading >>
ITTRA PASTORALI
MILL-E.T. MONS. PAWL CREMONA O.P.
Arċisqof ta’ Malta
u
MILL-E.T. MONS MARIO GRECH
Isqof ta’ Għawdex
RANDAN 2009
BŻONN TA’ BIDLA MILL-QIEGĦ
FIL-ĦAJJA NISRANIJA TAGĦNA
Għeżież ħutna,
Bħalissa, fil-Knisja ta’ dawn il-gżejjer għeżież tagħna, qed isiru żewġ esperjenzi sbieħ li nistgħu faċilment norbtuhom mas-Sena Pawlina li qed niċċelebraw fil-Knisja Universali. Qegħdin nirreferu għall-viżti pastorali li qed isiru fid-Djoċesi ta’ Malta u għall-Missjoni Djoċesana ġewwa Għawdex.
Aktar vicin tagħkom
Nixtiequ nibdew nitkellmu magħkom fil-bidu tar-Randan Imqaddes b’riferenza għal dawn l-esperjenzi li nistgħu ngħidulkom mill-ewwel ħallew effett sabiħ fina. Lilna, l-Isqfijiet, imlewna b’ferħ kbir u saħħewna fil-Fidi tagħna u inkuraġġewna biex nibqgħu naħdmu bis-sħiħ fil-għalqa tal-Mulej għall-ġid ta’ kulħadd. Ċerti li dawn l-esperjenzi ħallew l-istess effett f’ħafna minnkom ukoll. Nissellfu l-kliem tal-Appostlu Missierna San Pawl wara ż-żjara pastorali tiegħu lill-Filippin u ntennu: Niżżi ħajr lil Alla kull meta niftakar fikom, u nitlob dejjem ferħan fit-talb tiegħi għalikom minħabba s-sehem li intom ħadtu fix-xandir tal-Evanġelu mill-ewwel jum sa llum… Iva, jixhidli Alla kemm jien miġbud lejkom bil-qalb ta’ Kristu Ġesù (Fil 1, 3-5.8).
Continue reading >>
