Aqra l-Bullettin minn hawn:
Archive for the 'Uncategorized' Category
Francesco Pio Attard
Illum il-Ġimgħa 12 ta’ Ġunju 2015, fis-solennità tal-Qalb Imqaddsa ta’ Ġesù meta l-Knisja titlob għall-qdusija tas-saċerdoti tagħha, fis-7.45am ħalliena fl-età ta’ tlieta u disgħin sena it-tieni l-ixjeħ saċerdot tad-Djoċesi ta’ Għawdex, Dun Karm Cassar minn Għajnsielem. Minkejja l-età tiegħu, Dun Karm baqa’ sal-aħħar jispira żelu kbir għal Kristu u l-Knisja, u naturalment għal raħal twelidu! Ħafna huma l-kitbiet li ħarġu mill-pinna tiegħu dwar l-istorja tar-raħal ta’ Għajnsielem u l-parroċċa tiegħu.
Dun Karm twieled fl-14 ta’ Settembru 1921, l-iżgħar fost seba’ aħwa. Ta’ tmien snin daħal abbati u ssieħeb ukoll mal-“Kavallieri ta’ Sant’Antnin”, grupp vokazzjonali tal-Patrijiet Franġiskani ‘ta’ Ġieżu’ f’Għajnsielem. Membru tal-Għajnsielem Sea Scouts, beda minn ċkunitu juri interess fil-mużika u daħal idoqq il-klarinett mal-Banda San Ġużepp ta’ Għajnsielem. Tgħallem ukoll il-pjanu, u b’hekk għal erbgħin sena sħaħ seta’ jagħti servizz bid-daqq ta’ l-orgni fil-knisja l-qadima ta’ Għajnsielem. Continue reading >>
L-Arċisqof Scicluna fl-ewwel żjara uffiċjali lill-Knisja ta’ Għawdex ibierek il-mużajċi ġodda f’Ta’ Pinu
“F’att solenni tagħha l-Konferenza Episkopali Maltija tħabbar li s-Santwarju tal-Madonna Ta’ Pinu f’Għawdex u dak tal-Madonna tal-Mellieħa f’Malta huma ż-żewġ Santwarji Nazzjonali ta’ pajjiżna”. Dan ħabbru l-Isqof ta’ Għawdex Mons. Mario Grech, President tal-Konferenza Episkopali Maltija, waqt l-ewwel żjara uffiċjali ta’ Mons. Charles J. Scicluna, Arċisqof Metropolita ta’ Malta, fid-Djoċesi ta’ Għawdex. (Għalkemm dawn iż-żewġ siti Marjani ilhom meqjusa bħala santwarji nazzjonali, sa issa ma kien hemm l-ebda digriet uffiċjali tal-Konferenza li jikkonferma dan.) Continue reading >>
Aqra l-Bullettin minn hawn:
Aqra l-Bullettin minn hawn:
L-Isqof Grech iqassam il-Vanġeli lill-bniet tas-Sekondarja
Nhar il-Ġimgħa 6 ta’ Marzu filgħodu, l-Isqof ta’ Għawdex Mario Grech għamel żjara lill-Iskola Sekondarja tal-Bniet tal-Kulleġġ ta’ Għawdex. Flimkien ma’ xi saċerdoti huwa ċċelebra l-Ewkaristija għall-istudenti tal-ewwel sena f’din l-iskola, li matul il-ġimgħa kellhom l-Eżerċizzi tar-Randan.
Fi tmiem il-Quddiesa, l-Isqof qassam kopja tal-Vanġeli lill-istudenti preżenti. Hija prassi fid-Djoċesi ta’ Għawdex li ta’ kull sena l-Isqof jagħti l-Ktieb tal-Vanġelu lill-istudenti kollha li aktar tard fis-sena jkunu ser jirċievu s-sagrament tal-Griżma tal-Isqof.
Fil-messaġġ tiegħu, l-Isqof Mario ħeġġeġ lill-istudenti biex kuljum jaqraw silta qasira mill-Vanġelu ta’ Ġesù Kristu “li għandu l-qawwa jibdel ħajjitna għall-aħjar”.
Fi tmiem iċ-ċelebrazzjoni, l-Isqof irringrazzja lill-Kap tal-Iskola, Ms Teresina Buttigieg u lill-istaff kollu tal-Iskola għad-dedikazzjoni tagħhom.
Aqra l-Bullettin minn hawn:
Aqra l-Bullettin minn hawn:
