Messaġġ fiċ-Ċelebrazzjoni tat-Tberik tat-Tarbija fil-Ġuf
Santwarju Nazzjonali tal-Madonna Ta’ Pinu, l-Għarb
Is-Sibt 23 ta’ Ġunju 2018
L-E.T. Mons. Mario Grech, Isqof ta’ Għawdex
ĦABBARA TAL-ĠMIEL TAL-ĦAJJA
Il-festa li qegħdin niċċelebraw illum, it-Twelid ta’ San Ġwann il-Battista, toffrilna l-opportunità li nagħmlu riflessjoni fuq l-esperjenza sabiħa li qegħdin tgħixu intom, għeżież koppji, li, misjuqin mill-fidi Nisranija tagħkom, illum ġejtu fis-Santwarju tal-Madonna Ta’ Pinu biex nitolbu l-barka ta’ Alla kemm fuq it-tarbija li hemm fil-ġuf tagħkom l-ommijiet u kemm fuqkom bħala ġenituri. Continue reading >>
Omelija fl-Ordinazzjoni Presbiterali
Katidral tal-Assunta, il-Belt Victoria
Il-Ġimgħa 14 ta’ Ġunju 2018
L-E.T. Mons. Mario Grech, Isqof ta’ Għawdex
HAWN JIEN
Kulma jmur il-ħajja qed toffrilna sfidi kbar. Bħal donnu aktar ma jitgerbeb iż-żmien, l-isfidi qed dejjem isiru eħrex. Quddiem dan il-fenomenu, min għandu ftit tas-sens, iktar u iktar min hu Nisrani, kapaċi jidħol f’ħafna tensjonijiet. Nagħti żewġ eżempji.
Is-soċjetà tagħna donnha għamlet verżjoni ġdida tal-għoġol antik tad-deheb li ssemmi l-Bibbja: żdiedet sew l-idolatrija tal-flus. Fil-fatt, il-ġirja għall-flus qed timla l-bwiet imma fl-istess waqt qed tħalli l-vittmi. Il-kilba għall-ġid irrendietna bla skrupli u rmejna kull kriterju ta’ x’inhu tajjeb u mhux. Kollox sar jgħaddi u sirna nagħtu l-impressjoni li għall-flus is-soċjetà lesta li tagħmel kollox, anki tbigħ ruħha! F’sitwazzjoni bħal din, tiġik it-tentazzjoni li tgħid: “Issa daqshekk… xbajt”. Continue reading >>
Ilbieraħ filgħaxija nżammet velja ta’ talb fis-Seminarju djoċesan, bi tħejjija għall-ordinazzjoni presbiterali tad-Djaknu Joseph Hili, mix-Xagħra. Id-djaknu Hili se jkun ordnat saċerdot illum, il-Ġimgħa 15 ta’ Ġunju 2-19, f’quddiesa fil-Katidral, immexxija minn Mons. Isqof Mario Grech.
Ritratt: charlonphotography
WORLD BLOOD DONOR DAY, 14 JUNE 2018
Be there for someone else. Give blood. Share life.
The Diocese of Gozo, in collaboration with the National Blood Transfusion Centre, Malta has lit the church of Our Lady of Lourdes, in Għajnsielem, in red, to mark the World Blood Donor Day, celebrated worldwide today, 14th June.
The Church is grateful for the many Gozitans who regularly donate blood, while inviting others to donate blood for the first time. We are also grateful for the nurses and staff who work at the new Gozo Centre of the National Blood Transfusion Service opened recently in Xewkija.
Light by Micho Lighting, Gozo.
Arcidjoċesi ta’ Malta
Uffiċju Komunikazzjoni
12 ta’ Ġunju 2018
60/2018
STQARRIJA TAL-ISQFIJIET
Ilna snin nisimgħu dwar il-fenomenu tal-immigrazzjoni li qed jisvolġi fil-Baħar Mediterran. Dan il-fenomenu jixhed is-sitwazzjoni ddisprata ta’ min iħossu mġiegħel iħalli pajjiżu biex jaħrab il-gwerer jew il-ġuħ; minn naħa l-oħra l-istess fenomenu juri wkoll it-tbatija, it-tħassib u s-sagrifiċċji tal-popli tal-pajjiżi li qegħdin jilqgħuhom.
Anke f’dawn il-ġranet il-ġrajja tal-vapur Aquarius uriet il-kumplessità u d-delikatezza kemm tal-problema kif ukoll tas-soluzzjonijiet għaliha.
Għalhekk, inħeġġu lill-awtoritajiet politiċi fl-Ewropa biex ikomplu jfittxu soluzzjonijiet umanitarji għal dawn il-persuni, mingħajr ma jinsew ir-realtajiet taċ-ċittadini tal-pajjiżi li jilqgħuhom. Fl-imgħoddi l-Ewropa kellha sfidi oħra serji bħal din, imma qatt ma qatgħet qalbha li ssib rimedji fid-dawl tal-prinċipji tal-ġustizzja, tal-legalità u tas-solidarjetà. Continue reading >>
The KURA Association within the Gozo Diocese would like to announce the launch of tenders:
ERDF.PA.5.0102: Enhancing Gozo’s Ecclesiastical and Artistic Cultural Patrimony for Present and Future Generations
http://gozodiocese.org/tenders/
