Archive

Il-Pastorali ta’ Santa Marija

Ittra Pastorali “Marija t-Triq tal-Ferħ” fl-għeluq tas-Sena Marjana

69/2019

Ittra Pastorali

tal-E.T. Mons. Mario Grech
Isqof ta’ Għawdex

fl-okkażjoni
tal-Festa ta’ Santa Marija u l-Għeluq tas-Sena Marjana

MARIJA T-TRIQ TAL-FERĦ

causa_nostrae_laetitiae_-_convento_de_s_francisco_-_salvador.jpg

Kont għadni s-Seminarju meta l-Qaddej ta’ Alla Dun Mikiel Attard irrakkontalna li darba, waqt li kien ġej lura bil-vapur lejn Malta wara esperjenza mal-foqra fl-Italja, resaq fuq żagħżugħ barrani u staqsieh x’inhu l-ferħ. Iż-żagħżugħ fetaħ flixkun birra, legleg ftit minnu u, waqt li wrieh il-flixkun, qallu: “Dan huwa l-ferħ!”. Ġara li matul il-vjaġġ qam il-maltemp, il-vapur beda jogħla, tant li kien hemm diversi li ddardru. Fosthom kien hemm dan iż-żagħżugħ, li tant għamillu deni li għalef il-ħut! Xħin il-vapur daħal il-Port il-Kbir tagħna, Dun Mikiel b’ħafna mħabba staqsieh x’kien ġara mill-ferħ tiegħu. Iż-żagħżugħ skuża ruħu u qallu li kien qed jiċċajta meta kien tah l-ewwel tweġiba.

Skont stħarriġ li sar f’dawn l-aħħar snin, pajjiżna hu fost l-aktar pajjiżi fid-dinja fejn wieħed jgħix ferħan, jekk mhux ukoll l-aktar poplu ferħan fid-dinja!  Ħaġa sabiħa, imma kemm tassew hu minnu dan? U x’kejl jintuża biex inqisu l-ferħ? Personalment inħoss li llum ħafna huma dawk li qed jagħmlu l-istess mistoqsija li għamel Dun Mikiel dwar x’inhu l-ferħ, iktar u iktar meta bħal donnu l-ferħ veru qed jiskarsa. Madwarna hawn diversi sitwazzjonijiet ta’ diqa li jtaqqlu l-moħħ u l-qalb. Biżżejjed insemmu s-sħab iswed li hawn fuq ċerti koppji miżżewġa li, f’temp ta’ ftit żmien, qed jaraw il-ħolma ta’ ħajja ferrieħa fiż-żwieġ issirilhom suf; jew it-tkattir ta’ problemi soċjali ġodda li qed iżidu sitwazzjonijiet ta’ nuqqas ta’ saħħa mentali fostna u f’tant pajjiżi oħra. Continue reading >>

Żjara tal-Isqof Giovanni Cefai mssp fid-Djoċesi ta’ Għawdex

UFFIĊĊJU KOMUNIKAZZJONI KURJA VESKOVILI TA’ GĦAWDEX
Stqarrija għall-Istampa [ST/12/2019]
9 ta’ Awwissu 2019

ŻJARA TAL-ISQOF GIOVANNI CEFAI MSSP FID-DJOĊESI TA’ GĦAWDEX

1-ritratt-ufficjali.jpgL-E.T. Mons. Giovanni Cefai MSSP, li fit-22 ta’ Ġunju li għadda, Festa tas-Sejħa tal-Madonna Ta’ Pinu, ġie kkonsagrat Isqof fil-Katidral ta’ Arequipa, il-Perù, jasal Malta llum il-Ġimgħa 9 ta’ Awwissu, għall-ewwel żjara tiegħu minn meta ġie maħtur mill-Papa Franġisku bħala lewwel Isqof tal-Prelatura Territorjali ġdida ta’ Santiago Apóstol de Huancané, fil-Perù.

Mons. Cefai, li hu l-ewwel Isqof Malti tas-Soċjetà Missjunarja ta’ San Pawl, twieled iż-Żebbuġ, Għawdex fil-5 ta’ Awwissu 1967. Barra l-impenji mal-wasla tiegħu fl-Arċidjoċesi ta’ Malta, il-programm uffiċjali taż-żjara tal-Isqof Giovann Cefai fid-Djoċesi ta’ Għawdex tikkonsisti f’dawn il-mumenti:
Continue reading >>

Formazzjoni għall-Katekisti tad-Djoċesi

laqghat-formazzjoni-katekisti-2019.jpg

Titħabbar il-mewt tal-Kanoniku Dun Ġużepp Muscat

kan-guzepp-muscat.jpgIlbieraħ, l-Erbgħa 24 ta’ Lulju 2019, tħabbret il-mewt tal-Kan. Ġużepp Muscat, mill-Parroċċa ta’ San Pietru u San Pawl, in-Nadur. Hu miet l-Isptar Ġenerali ta’ Għawdex, fejn kien ġie rikoverat f’dawn l-aħħar jiem.

Dun Ġużepp kellu 98 sena. Hu kien l-aktar saċerdot anzjan f’Għawdex. Kien ġie ordnat fit-22 ta’ Mejju 1948. Is-sena li għaddiet, il-parroċċa tan-Nadur iċċelebrat flimkien miegħu s-70 anniversarju mill-ordinazzjoni presbiterali tiegħu.

Il-funeral tiegħu se jsir nhar it-Tlieta 30 ta’ Lulju, fil-5.30pm.

Agħtih, o Mulej, il-mistrieħ ta’ dejjem.

Ħatra ta’ Kappillan ġdid għall-Fontana

Dun Simon Mario Cachia maħtur il-11-il Kappillan tal-Parroċċa tal-Qalb ta’ Ġesù fil-Fontanadun-simon-m-cachia.jpg

Nhar it-Tlieta 23 ta’ Lulju 2019, l-E.T. Mons. Mario Grech, Isqof ta’ Għawdex,  ħatar lil Dun Simon Mario Cachia, mill-Parroċċa ta’ San Ġorġ Martri (il-Belt Victoria), bħala l-ħdax-il Kappillan tal-Parroċċa tal-Qalb ta’ Ġesù, fil-Fontana, wara li l-Kan. John Muscat temm il-ministeru li kien beda fl-2013.

Dun Simon twieled fil-Belt Victoria fis-7 ta’ Novembru 1985.  Wara l-formazzjoni fis-Seminarju Maġġuri tal-Qalb ta’ Ġesù, huwa ġie ordnat saċerdot fit-28 ta’ Mejju 2011.  Wara l-Ordinazzjoni, kompla l-istudji tiegħu fil-Pedagoġija u t-Teoloġija fl-Università Pontifiċja Salesjana f’Ruma, filwaqt li kien ukoll kollaboratur parrokkjali fil-Parroċċa ta’ Sant’Injazju ta’ Antjokja fl-istess djoċesi.

Lura Għawdex f’Settembru 2015, ġie maħtur Delegat tal-Isqof għall-Katekeżi u kollaboratur parrokkjali fil-Parroċċa tal-Madonna ta’ Loreto, Għajnsielem.  Huwa wkoll lekċerer tal-Kateketika fis-Seminarju Maġġuri tal-Qalb ta’ Ġesù.

Sakemm jieħu l-pussess kanoniku tal-parroċċa, Dun Simon se jkun Amministratur Parrokkjali.

Għeluq tas-Sena Marjana

velja-tal-ghid-tal-assunta-santwarju-ta-pinu-2019.jpg

MESSAĠĠ LILL-E.T. MONS. ISQOF GIOVANNI CEFAI MSSP FL-OKKAŻJONI TAL-ORDINAZZJONI EPISKOPALI TIEGĦU

 bishop-giovanni-cefai.jpg

Fl-okkażjoni tal-Konsagrazzjoni Episkopali tal-Isqof Għawdxi Mons. Giovanni Cefai MSSP illum 22 ta’ Ġunju 2019 fl-10.00am (5.00pm, ħin ta’ Malta) fil-Katidral ta’ Arequipa, il-Perù, l-E.T. Mons. Mario Grech, Isqof ta’ Għawdex, bagħatlu dan il-Messaġġ ta’ Awguri biex jinqara waqt il-Quddiesa tal-Ordinazzjoni:

Bħal kull 22 ta’ Ġunju, dalgħodu l-qniepen tal-knejjes f’Għawdex daqqew għalenija biex ifakkru li 136 sena ilu, mill-Kappella Ta’ Pinu, il-Verġni Mbierka fetħet djalogu ta’ mħabba ma’ Karmni Grima u Franġisk Portelli, liema djalogu għadu għaddej illum mal-eluf ta’ pellegrini li jterrqu lejn dan is-Santwarju.

Imma dalgħodu l-qniepen tal-knejjes ta’ din id-djoċesi għannew ukoll għax illum wieħed minn uliedha, int, għażiż Patri Giovann, ser tirċievi l-Ordinazzjoni Episkopali u hekk tingħaqad mal-Kulleġġ tal-Appostli. Għalina dan huwa motiv ta’ ferħ kbir; imma aħna konxji wkoll li din il-ġrajja lilna tgħabbina bir-responsabbiltà li nkomplu nweżnuk kif nistgħu, speċjalment bit-talb tagħna, iktar u iktar meta inti isqof-missjunarju li l-Knisja sejħitlek biex tqiegħed il-pedament ta’ djoċesi ġdida.

L-isfidi li għandek ma humiex żgħar, imma niżgurak mill-esperjenza tiegħi: Alla ser jagħtik il-“grazzja tal-istat” ġdid li inti għandek; din il-verità jien fhimtha biss meta ġarrabtha, u hekk nawgura lilek.

F’isem il-poplu ta’ Alla f’Għawdex nifraħlek tassew, u filwaqt li llum nafdak f’dirgħajn il-Madonna Ta’ Pinu, nitolbok tagħtina l-barka episkopali tiegħek mill-Perù.

Insellem lil ħija fl-episkopat l-E.T. Mons. Javier del Río Alba, Arċisqof ta’ Arequipa, lil Patri Mark Grima MSSP, is-Superjur Ġenerali tas-Soċjetà Missjunarja ta’ San Pawl, u lill-foqra kollha li ħejjewk għal din l-għażla.

bishop-cefai.jpg

Ritratti: https://www.facebook.com/missionarysocietyofstpaul