Wara li laqa’ r-riżenja tal-Kan. Reuben Micallef mill-uffiċċju ta’ Arċipriet tal-Parroċċa ta’ Marija Mtellgħa s-Sema, iż-Żebbuġ, Għawdex, l-E.T. Mons. Mario Grech, Isqof ta’ Għawdex, qed jaħtar bħala Arċipriet tal-imsemmija Parroċċa lill-KANONKU ĠWANN SULTANA SThB, mill-Parroċċa tat-Twelid tal-Verġni Marija, ix-Xagħra, u sakemm jieħu l-pussess kanoniku, b’effett mil-lum qed jaħtru Amministratur Parrokkjali.
***
Dun ĠWANN SULTANA twieled ix-Xagħra, Għawdex nhar is-26 ta’ Mejju 1971. Wara li temm l-istudji fis-Seminarju Maġġuri ta’ Għawdex, ġie ordnat saċerdot fil-21 ta’ Ġunju 1996. Beda l-ħidma pastorali tiegħu fil-Parroċċa ta’ Santa Luċija f’Ruma, u studja fl-Università Pontifiċja Salesjana.
Sa mill-1998 kellu l-kura pastorali tal-Knisja ta’ Sant’Anton Abbati fix-Xagħra. Fis-sena 2000 ġie maħtur Direttur tal-Istamperija djoċesana Gozo Press, kariga li dam jokkupa sal-2013. Ġie maħtur Kanonku tal-Kolleġġjata ta’ Marija Bambina fix-Xagħra fis-sena 2000. Għallem fl-Iskola Sekondarja tal-Konservatorju tal-Isqof u preżentement hu għalliem fis-Seminarju Minuri ta’ Għawdex.
Aqra minn hawn: 
Aqra l-istqarrija għall-istampa tal-Kurja ta’ Għawdex: 
61/2018
Fuq inizjattiva tal-Isqof Mario Grech, imħabbra fil-festa tal-Parroċċa ta’ Kerċem, fil-parroċċi u l-knejjes ta’ Għawdex qed issir ġabra b’risq il-JRS fil-ħidma tagħhom mal-immigranti f’pajjiżna. S’issa nġabru s-somma ta’ €6759.11. L-għotjiet qed jinġabru fil-quddies ta’ jum il-festa parrokkjali, u f’okkażjonijiet oħra (fejn il-festa diġà saret). Il-ġbir s’issa hu hekk:
Applikazzjonijiet jinkisbu mill-iskola primarja tal-Konservatorju u jintlaqgħu sa nofsinhar tal-Ġimgħa 10 ta’ Awwissu 2018.