Given the social ethical dimension of fiscal politics and their impact on quality of life in society, the Secretariat of the Commission of the Bishops’ Conferences of the European Community (COMECE) participated in the consultation launched by the European Commission on 6 March to review the existing legislation on VAT reduced rates. The COMECE contribution suggests reducing VAT rates on goods and services relating to families, and the renovation of churches and places of worship.
Archive for the '2008' Category
More photos from here
L-Isqof Mario Grech, illum il-Ħadd 27 ta’ April, kompla bil-programm taż-żjara pastorali tiegħu fil-Kanada billi dalgħodu mexxa quddiesa pontifikali fl-okkażjoni tal-Festa ta’ San Ġorġ fil-Knisja Parrokkjali ta’ San Pawl, li tinsab f’Dundas Street West. Din il-parroċċa, li għal diversi snin kienet immexxija mill-Patrijiet Franġiskani Maltin, illum hija mmexxija mill-Patrijiet tas-Soċjetà Missjunarja ta’ San Pawl. Il-Kappillan attwali Fr Karm Borg, li huwa mgħejjun minn Fr. Domnic Cachia laqgħu lil Mons Isqof Grech u ppreżentawh lill-ġemgħa preżenti. Fl-omelija tiegħu Mons Isqof rrimarka li fil-ħajja spiritwali tagħna għandna nitħabtu biex lil Alla nadurawh fl-ispirtu u l-verità. Dan jgħinna biex ir-relazzjoni tagħna ma’ Alla u mal-qaddisin ma tkunx marbuta la ma’ post u lanqas ma’ persuna jew qaddis partikulari. B’dan il-mod l-adorazzjoni tagħna lil Alla u ċ-ċelebrazzjonijiet f’ġieħ il-qaddisin ikunu espressjoni ta’ ħajja nisranija matura u awtentika.
Djoċesi ta’ Għawdex
Moviment Gradwati Għawdxin
Kurja Veskovili
Triq ir-Repubblika
Victoria
Media Release
L-Ewwel Ġimgħa tax-Xahar għall-Professjonisti f’Għawdex
Il-Moviment Gradwati Għawdxin jistieden lill-gradwati u l-membri tal-professjonijiet kollha (anki koppji) għall-Quddiesa ta’ l-Ewwel Ġimgha tax-Xahar fit-2 ta’ Mejju.
Bħas-soltu ssir fil-knisja ta’ Santu Wistin (Victoria) fit-8.30 pm - ħin tard fl-għaxija biex jippermettilhom jaħtfu din l-opportunità u jsegwu omelija speċifikament għalihom. Mit-8.15 ikun hemm il-possibiltà tal-Qrar.
Il-Ġimgħa 25 ta’ April 2008 Mons. Isqof Mario Grech għalaq l-ewwel parti taż-żjara pastorali fl-Istati Uniti u l-Kanada b’quddiesa u dinner fil-Maltese-American Association Club f’Dearborn Detroit. L-Isqof ġie milqugħ fis-sala taċ-Ċentru mis-Sur Paul Borg President tal-Club, minn Fr. Joe Mallia responsabbli mill-ħidma fost il-Maltin residenti f’Detroit, kif ukoll mill-Konslu Malti ta’ Detroit is-Sur Larry Zahra.
Continue reading >>
Nhar il-Ħamis filgħodu, 24 ta’ April, l-Isqof Grech qaddes għat-tfal li jattendu fl-iskola St. Frances Cabrini - waħda miż-żewg skejjel li hemm fi-parroċċa mmexxija mill-Kan Joe Mallia, saċerdot iben ġenituri Maltin. F’din l-iskola jattendu tfal ta’ emigranti Maltin. Fil-messaġġ tiegħu, l-Isqof Grech tkellem dwar il-ħtieġa li l-bniedem, speċjalment it-tfal, ikollhom ‘mudelli’ tajbin li jistgħu jimitawhom fil-ħajja. Anke Kristu kellu ‘mudel’: “kif il-Missier ħabb lili, hekk jien ħabbejt lilkom”. Għan-nisrani, Kristu huwa l-mudell li wieħed jista’ joqgħod fuqu. Għalhekk, dawk kollha li huma responsabbli mill-formazzjoni tat-tfal, speċjalment il-ġenituri u l-għalliema, għandhom jgħinu lill-istudenti jimxu fuq l-eżempju ta’ Kristu; hekk iċ-ċkejknin jistgħu jikbru u huma stess ikunu mudelli kredibbli għall-oħrajn. Fi tmiem il-quddiesa, l-Isqof Grech kien ipprezentat b’tifkira ta’ l-okkażjoni.
L-Isqof Mario Grech, li bħalissa jinsab fuq żjara pastorali f’Detroit u Toronto, nhar l-Erbgħa 23 ta’ April kellu l-ewwel appuntament tiegħu ma’ grupp ta’ saċerdoti Maltin li qed jaħdmu f’Detroit.
Huwa kien milqugħ minn Fr Joe Mallia, iben ġenituri Maltin li kienu emigraw snin ilu fl-Amerika. Fr Mallia llum huwa kappillan tal-Parroċċa Santa Frangiska Cabrini. Hija parroċċa attiva ħafna, li tinkludi żewġ skejjel li jilqgħu madwar 1500 student. Fr Mallia, li huwa responsabbli mill-ħidma pastorali fost il-komunità Maltija f’Detroit, laqqa’ lill-Isqof ma’ xi saċerdoti Maltin, fosthom Fr Anthony Camilleri, Amerikan iben ta’ ġenituri Maltin, li kien l-uniku saċerdot ordnat is-sena l-oħra fl-arċidjoċesi ta’ Detroit. Għal din il-laqgħa kienu preżenti Fr Robert Cini tas-Soċjeta Missjunarja ta’ San Pawl, Fr John Saliba, Ġizwita, u Fr Joe Briffa – it-tlieta huma kappillani f’parroċċi diversi. L-Isqof Grech fisser l-apprezzament tiegħu għall-ħidma siewja li dawn is-saċerdoti qegħdin iwettqu f’Detroit, u nnota b’sodisfazzjoni kemm il-Knisja f’pajjiżna tat kontribut lill-Knisja fl-Amerika bil-preżenza ta’ saċerdoti bħal dawn.
Between April 22nd and May 5th 2008 Bishop Mario Grech will be visiting Gozitan and Maltese priests and emigrants in Toronto, Canada and Detroit (Michingan), USA. During his pastoral visit Bishop Grech, who is accompanied by his personal assistant, Fr Eddie Zammit and his secretary, Fr Charles Sultana, will take part in the 40th anniversary celebrations to the priesthood of two Gozitan priests working in Canada, Fr Alfred Grima (form Xewkija) and Fr Joseph Sultana (from Xagħra). Both were ordained on the same day, 11th May 1968.
Four Gozitan diocesan priests are working in Canada.
Stqarrija mill-Uffiċċju Stampa tal-Kurja ta’ l-Arċisqof, Floriana
