Ħafna jammettu li żmien il-Milied “inqabad” f’nofs polemika. Min-naħa hemm dawk li għalihom kolloxjitqies li jagħmel parti mill-”ispirtu” ta’ dawn il-ġranet. Min-naħa l-oħra ma jonqsux dawk li jsostnu li hemm ħafna x’wieħed inaddaf, jew aħjar x’għandu jkun dak li jagħti tifsira xierqa lit-twelid ta’ Kristu.
Dan ta’ l-aħħar hu nkluż fil-għan li qed joffrilna Mons. Isqof Cauchi fil-ktieb tiegħu f’ġabra ta’ 31 meditazzjoni mibnija fuq persunaġġi, xbiehat, figuri jew wegħdiet oħrajn meħudin mill-Antik Testment. Iservu ta qari spiritwali li fl-istess ħin jiġbru l-istorja sħiħa tas-salvazzjoni mifruxa fuq eluf ta’ snin. Ilkoll f’rabta ma’ l-imwiegħed Messija waqt li joffru katekeżi biblika li twassa għall-milja taż-żmien fi Kristu, imma fuq kollox għat-tisħiħ tal-ħajja nisranija.