Published on March 23, 2011
in 2011.
COMECE Press 18/03/2011
COMECE welcomes the sound judgment of the European Court of Human Rights in Strasbourg in the case Lautsi vs Italy. The Grand Chamber of the ECHR stated on 18 March 2011 that the presence of crucifixes in Italian State-school classrooms is not contrary to the right to education. This decision clearly refutes the previous 2009 judgment of the ECHR Chamber. COMECE sees in this decision an acknowledgement of the legitimate place of Christianity in the public square as well as the recognition of the diversity of cultural traditions in Europe.
It is a fact that all over Europe, there is a variety of models ruling the question on how to deal with religion and religious symbols in public schools and public life. This diversity results from the Member States’ different traditions, identities and histories, and within the context of different Church-State relations. The court rightly acknowledges that the absence “of a European consensus on the presence of religious symbols in State schools” has to be taken into account to assess this case.
Continue reading >>
Published on March 23, 2011
in 2011.
AVVIŻ
MIS-SEMINARJU MINURI U MILL-ISKOLA SEKONDARJA TAL-KONSERVATORJU TAL-ISQOF TAD-DJOĊESI T’GĦAWDEX
Il-ġenituri/kustodji tal-Istudenti ta’ Year 6 illi jattendu fl-Iskejjel Primarji tal-Istat, DEJJEM JEKK IRIDU, huma ġentilment mitluba jirreġistraw lil uliedhom għad-Dħul fl-Ewwel Klassi tas-Seminarju Minuri u tal-Iskola Sekondarja tal-Konservatorju tal-Isqof nhar it-Tlieta u l-Erbgħa, 5 u 6 t’April mid-9:00 a.m. sal-11.30 a.m.
L-applikazzjonijiet għat-tfal subien jimtlew fis-Seminarju Minuri waqt li għat-tfal bniet jimtlew fl-Iskola Sekondarja tal-Konservatorju tal-Isqof (dħul mill-parking tal-Isptar Ġenerali t’Għawdex). Min japplika mitlub jieħu miegħu: Ċertifikat oriġinali tal-Magħmudija u tat-Twelid tat-tifel/tifla kif ukoll żewġ ritratti tiegħu/tagħha. Tkun mitluba wkoll il-Karta tal-Identita’ tal-Ġenituri. It-tfal iridu jkunu mwielda bejn l-1 ta’ Jannar u l-31 ta’ Diċembru 2000. Isir ħlas ta’ €10 mal-applikazzjoni.
Se ssir laqgħa informattiva dwar dawn l-applikazzjonijiet l-Erbgħa 30 ta’ Marzu 2011. Fil-kas tas-Subien il-laqgħa ser tkun fis-Sala tal-Azzjoni Kattolika (dħul minn Triq Sir Arturo Mercieca, Victoria) fid-9.00 a.m. Fil-kas tal-Bniet il-laqgħa ser tkun fl-Iskola Sekondarja tal-Konservatorju tal-Isqof (dħul mill-parking tal-Isptar Ġenerali t’Għawdex) fis-6.00 p.m.
Published on March 22, 2011
in 2011.
KUMMISSJONI FESTI ESTERNI
(Djoċesi ta’ Għawdex)
c/o Ċentru Pastorali Ragħaj it-Tajjeb
Trqi Sir Paul Boffa, Victoria
____________________________________________________________________________________
STQARRIJA GĦALL-MIDJA
SEMINAR DWAR
IL-VOLONTARJAT FIL-FESTI GĦAWDXIN
Nhar is-Sibt 2 ta’ April 2011, fis-Sala prinċipali ta’ Dar l-Arka f’Għajnsielem, mit-8.30a.m. sa nofsinhar, il-Kummissjoni Festi Esterni fi ħdan il-Kulleġġ tal-Kappillani ta’ Għawdex, fl-okkażjoni tas-Sena ddedikata lill-Volontarjat, ser torganizza Seminar dwar il-Volontarjat fil-Festi Għawdxin, bit-tema: ‘Il-Festi f’Għawdex – Potenzjal ta’ Volontarjat… X’inhu l-futur?’
F’dan is-Seminar ser jiġu ppreżentati żewġ taħdidiet prinċipali, l-ewwel waħda mill-Profs Mario Vassallo, lecturer tas-Soċjoloġija fl-Università ta’ Malta, dwar il-valur tal-volontarjat vis-á-vis il-Festi Għawdxin, u t-tieni minn Kevin Sciberras, President tal-Kunsill tal-Kultura f’Għawdex, dwar il-futur tal-volontarjat fir-realtajiet preżenti (b’mod speċjali l-festi) fil-gżira Għawdxija. Wara jkun hemm ħin għal-diskussjoni f’diversi workshops, fost dawk preżenti. Il-laqgħa tiġi konkluża b’interventi qosra mill-Onor Dr Anton Refalo, kelliem għal Għawdex għall-PL, l-Onor Giovanna Debono, Ministru għal-Għawdex u l-E.T. Mons Mario Grech Isqof t’Għawdex.
Is-Seminar huwa intiż li jifforma stampa reali tal-volontarjat marbut mal-festi f’Għawdex, jgħin biex jinħolqu strutturi li jistgħu jsaħħu dan il-volontarjat u jistudja l-futur ta’ din ir-realtà fil-kuntest tal-gżira Għawdxija ta’ għada.
Għal dan is-Seminar qed jiġu mistiedna, fost l-oħrajn, rappreżentanti minn kull Għaqda jew Oraganizzazzjoni fi ħdan il-Parroċċi jew Soċjetajiet Mużikali li l-ħidma tagħhom hija relatata mal-organizzazzjoni tal-Festa Patrunali.
George Cefai
Segretarju
Published on March 2, 2011
in 2011.
Nhar il-Ħadd 27 ta’ Frar, fil-Knisja Arċipretali taż-Żebbuġ, Mons. Isqof Mario Grech ta l-ministeru tal-Lettorat lil żewġ seminaristi: John Paul Cefai, mill-parroċċa tal-Qala, u Gabriel Gauci mill-parroċċa ta’ Kerċem. Bil-ministeru tal-Lettorat is-seminaristi isiru qarrejja uffiċjali tal-Kelma t’Alla waqt il-quddies u waqt ċelebrazzjonijiet liturġiċi oħra. Barra minn hekk huma jkollhom ir-responsabilità li jxandru l-Kelma t’Alla permezz tal-katekiżmu kif ukoll waqt laqgħat oħra ta’ formazzjoni Nisarnija. Dan il-ministeru jingħata lis-seminaristi li jkunu waslu fil-ħames sena tal-formazzjoni tagħhom fis-seminarju, u għalhekk dan ikun pass ieħor li jkompli jqarribhom lejn id-djakonat u s-saċerdozju. Fl-omelija tiegħu. Mons. Isqof saħaq dwar l-importanza li l-Knisja f’Għawdex ikollha nies imħejjija kif jixraq sabiex mhux biss jaqraw imma jxandru l-Kelma t’Alla, sabiex din tħalli iktar effett fuq dawk li jisimgħuha. Saħaq ukoll kemm biex min jingħażel biex jaqra waqt il-quddies ikun tassew ippreparat biex jagħmel dan.
Published on February 25, 2011
in 2011.
SPITERI. - Fr Emanuel (Manny) Late of Malta - Retired Priest of the Catholic Diocese of Sale. Bishop Christopher Prowse and the Priests and Deacons of the Diocese were saddened to learn of his death on Feb. 17, 2011 followed by his burial on Feb. 21, 2011 in Malta. He served in the Parishes of Yarram, Trafalgar, Orbost, Yallourn and Morwell. Requiem Mass for the repose of the soul of Fr Manny Spiteri will be celebrated at St Mary’s Cathedral, Sale on THURSDAY (Mar. 3, 2011) at 12 noon. Priests and Deacons are requested to bring their own Alb. May he rest in peace.
(Published in Herald Sun on February 23, 2011)
Published on February 19, 2011
in 2011.
IMUT DUN MANWEL SPITERI
Tard ilbieraħ bil-lejl, il-Ġimgħa 18 ta’ Frar 2011 tħabbret il-mewt ta’ Dun Manwel Spiteri minn Ta’ Sannat. Dun Manwel kellu 77 sena u kien ordnat saċerdot fit-2 ta’ April 1960. Għal 35 sena wettaq ħidma pastorali fl-Awstralja.
Il-funeral ta’ Dun Manwel se jsir nhar it-Tlieta li ġejja, 22 ta’ Frar. Fit-3.15pm jitlaq il-korteo mill-Isptar Ġenerali ta’ Għawdex għal ħdejn l-iskola primarja, mnejn jiġi akkumpanjat bil-banda tar-raħal għall-Knisja Parrokkjali ta’ Santa Margerita, Ta’ Sannat fejn Mons Isqof Mario Grech imexxi konċelebrazzjoni praesente cadavere fl-4.00pm.
Nitolbu lill-Missier tas-Sema jħaddnu miegħu u jimlieh bl-hena ta’ dejjem. RIP
Published on February 16, 2011
in 2011.
TNEDIJA TA’ KTIEB DWAR L-ISQOF EMERITU NIKOL Ġ CAUCHI
Waqt laqgħa għall-qraba tas-saċerdoti, li saret fis-Seminarju tad-Djoċesi nhar il-Ħadd 13 ta’ Frar, Mons Isqof Mario Grech ħabbar li fit-3 ta’ Marzu ser jiġi mniedi ktieb ġdid tal-Isqof Nikol Ġ Cauchi. Dan il-ktieb jinkludi artikli soċjo-reliġjużi u ritratti dwar il-ħajja tal-Isqof Cauchi. Id-Djoċesi ta’ Għawdex flimkien mal-”Fondazzjoni Isqof Nikol Cauchi” qed tieħu din l-inizjattiva għax temmen li l-kelma ta’ dan l-għalliem għadha ħajja. Din il-preżentazzjoni qed issir fl-okkażjoni ta’ jum it-twelid tal-Isqof Cauchi, li jitfakkar fit-2 ta’ Marzu. Programm dettaljat dwar it-tnedija tal-ktieb jitħabbar aktar ’il quddiem.
Published on February 15, 2011
in 2011.
Nhar is-Sibt li għadda, 12 ta’ Frar 2011, Patri Joe Bonello OFM mix-Xagħra ġie ordnat isqof fil-Knisja ta’ Santa Ġeltrude f’Juticalpa, Ħonduras. Mons Bonello ġie ordnat mill-Kardinal Oscar Andres Rodriguez Maradiaga, Arċisqof ta’ Tegucigalpa u president tal-Konferenza Episkopali tal-Ħonduras. Il-Kardinal kien assistit min-Nunzju Apostoliku fil-Ħonduras, l-Arċisqof Mons Luigi Bianco u l-Isqof ta’ Juticalpa, Mons Mauro Muldoon OFM.
COMECE welcomes the sound judgment of the European Court of Human Rights in Strasbourg in the case Lautsi vs Italy. The Grand Chamber of the ECHR stated on 18 March 2011 that the presence of crucifixes in Italian State-school classrooms is not contrary to the right to education. This decision clearly refutes the previous 2009 judgment of the ECHR Chamber. COMECE sees in this decision an acknowledgement of the legitimate place of Christianity in the public square as well as the recognition of the diversity of cultural traditions in Europe.
