Omelija ta’ l-Isqof Mario Grech fil-Pontifikal tal-Festa ta’ San Pietru u San Pawl, Nadur – Il-Ħadd 29 ta’ Ġunju 2008.
Il-valuri Kristjani sawwru l-bidu ta’ l-Unjoni Ewropea
Għalkemm aħna llum niffurmaw parti mill-Unjoni Ewropea, ftit jgħaddilna minn moħħna li meta ftit aktar minn ħamsin sena ilu l-fundaturi waqqfu din ir-realtà, huma ma kellhomx biss viżjoni ekonomika imma kellhom ukoll viżjoni spiritwali, tant illi hemm min jiddeskrivi t-twaqqif tal-komunità Ewropea bħala att spiritwali.
