Archive for May, 2018
ORDINAZZJONI PRESBITERALI
Nhar il-Ġimgħa 15 ta’ Ġunju 2018, fis-6.30pm, fil-Katidral tal-Assunta, il-Belt Victoria, se tinżamm l-Ordinazzjoni Presbiterali ta’ JOSEPH HILI (mill-Parroċċa tat-Twelid tal-Verġni Mqaddsa Marija, ix-Xagħra). Bi tħejjija għall-Ordinazzjoni, se tinżamm ukoll Velja ta’ Talb nhar il-Ħamis 14 ta’ Ġunju, fit-8.00pm, fis-Seminarju Maġġuri tal-Qalb ta’ Ġesù, il-Belt Victoria. Iż-żewġ ċelebrazzjonijiet sa jiġu mxandra fuq Radju Marija 102.3/107.8 FM. Continue reading >>
Aqra n-Newsheet minn hawn: newsheet-gunju-2018-1.pdf
Simpożju Internazzjonali Marjoloġiku Marjan
Omm tal-Knisja u fi ħdan il-Knisja
1-2 ta’ Ġunju 2018
Santwarju Nazzjonali Madonna Ta’ Pinu
Niżżel minn hawn id-dettalji biex tapplika:
Ilbieraħ, il-Ħadd 20 ta’ Mejju, Solennità ta’ Għid il-Ħamsin, tħabbret il-mewt tal-Kanonku Ġużepp Hili, min-Nadur.
Dun Ġużepp twieled fit-2 ta’ Frar 1937 u ġie ordnat saċerdot fl-10 ta’ Awwissu 1962. Wara l-ordinazzjoni saċerdotali tiegħu, Dun Ġużepp mar jistudja għal sena fis-Seminarju ta’ Guadalupe, fid-djoċesi ta’ Santa Fe, l-Arġentina. Hu baqa’ jaħdem l-Arġentina sal-1972.
Id-dettalji tal-funeral jitħabbru aktar ‘il quddiem.
Agħtih, o Mulej, il-mistrieħ ta’ dejjem.
DETTALJI TAL-FUNERAL (Update 23/5/18)
Il-funeral tal-Kan. Dun Ġużepp Hili se jsir nhar it-Tnejn 28 ta’ Mejju 2018:
3.45pm - It-tebut jitlaq mill-Isptar Ġenerali għall-Knisja tal-Qalb ta’ Ġesù, in-Nadur, fejn il-ġisem mejjet jitqiegħed għall-qima privata
5.00pm - Tingħad it-Talba tal-Għasar
5.15pm - Jitlaq korteo funebri għall-Knisja Parrokkjali u Bażilika ta’ San Pietru u San Pawl, in-Nadur
5.30pm - Quddiesa tal-Funeral, immexxija mill-E.T. Mons. Isqof Mario Grech
RIP
Kmieni lbieraħ filgħodu, il-Ħadd 20 ta’ Mejju 2018, Solennità ta’ Għid il-Ħamsin, tħabbret il-mewt ta’ Patri Arthur Vella SJ, fl-għomor ta’ 88 sena.
Fost il-ħafna ħidmiet tiegħu b’risq il-Knisja u s-soċjetà Maltija, għalina l-Għawdxin, Fr. Arthur, kif kien magħruf, mexxa s-Seminarju Maġġuri ta’ Għawdex fis-snin 1985-1989.
Il-funeral tiegħu se jsir nhar il-Ħamis li ġej fil-Knisja tal-Mosta, fit-3.30pm.
Agħtih, o Mulej, il-mistrieħ ta’ dejjem.
https://www.tvm.com.mt/en/news/death-of-jesuit-fr-arthur-vella/
