Archive for November, 2016

JOB VACANCY: Applikazzjonijiet fl-Iskejjel Primarji tal-Knisja f’Għawdex

Published on November 9, 2016 in Press Releases.

POST GĦAL SUBJECT TEACHER TAL-PSD
FL-ERBA’ SKEJJEL PRIMARJI TAL-KNISJA F’GĦAWDEX

L-applikanti huma mistennija li jgħallmu l-PSD bħala suġġett ewlieni u Mużika jew Drama  bħala suġġett sussidjarju.

L-applikazzjonijiet, akkumpanjati b’CV, għandhom ikunu ppreżentati fl-Iskola Primarja tal-Konservatorju tal-Isqof, Triq l-Arċisqof Pietru Pace, Victoria, mhux aktar tard minn nofsinhar tat-18 ta’ Novembru 2016.

_________________________

POST  TA’  IT TECHNICIAN

L-iskejjel primarji tal-Konservatorju tal-Isqof u ta’ St. Francis fir-Rabat Għawdex jilqgħu applikazzjonijiet għal IT TECHNICIAN WITH SYSTEMS ADMINISTRATION DUTIES biex jaqdi ż-żewġ skejjel.

Applikazzjonijiet jinġabru mill-Konservatorju u jintlaqgħu l-Konservatorju stess sa nofsinhar tal-Ġimgħa 18 ta’ Novembru 2016.

Dun Mark Bonello maħtur Delegat għall-Pastorali maż-Żgħażagħ u Vigarju Parrokkjali fil-Parroċċa tan-Nadur

Published on November 4, 2016 in Press Releases.

UFFIĊĊJU KOMUNIKAZZJONI KURJA VESKOVILI TA’ GĦAWDEX
Stqarrija għall-Istampa
4 ta’ Novembru 2016

Illum 4 ta’ Novembru 2016, jum il-150 anniversarju mit-twaqqif tas-Seminarju ta’ Għawdex, l-E.T. Mons. Mario Grech, Isqof ta’ Għawdex, ħatar lil Dun Mark Bonello bħala Delegat tal-Isqof għall-Pastorali mal-Adolexxenti u ż-Żgħażagħ u Vigarju Parrokkjali fil-Parroċċa ta’ San Pietru u San Pawl, in-Nadur.

dun-mark-bonello.jpgDun Mark Bonello twieled nhar it-2 ta’ Novembru 1987, bin Saviour u Emanuela mwielda Agius, u huwa mill-Parroċċa tat-Twelid tal-Verġni Mqaddsa Marija, ix-Xagħra, Għawdex.

Hu rċieva l-edukazzjoni primarja fl-Iskola Patri Mattew Sultana, ix-Xagħra, l-edukazzjoni sekondarja fis-Seminarju Minuri tal-Qalb ta’ Ġesù, il-Belt Victoria, u dik postsekondarja f’Sir Michelangelo Refalo Centre for Further Studies, il-Belt Victoria.

F’Settembru 2005 beda l-mixja ta’ formazzjoni fis-Seminarju Maġġuri tal-Qalb ta’ Ġesù. Bejn is-snin 2008 u 2009 hu għamel l-esperjenza tas-sena intermedjarja fil-Parroċċa ta’ Noarlunga & Seaford fl-Arċidjoċesi ta’ Adelaide, South Australia. Continue reading >>

Maħtura tliet Arċiprieti ġodda fid-Djoċesi ta’ Għawdex

Published on November 4, 2016 in Press Releases.

UFFIĊĊJU KOMUNIKAZZJONI KURJA VESKOVILI TA’ GĦAWDEX
Stqarrija għall-Istampa
4 ta’ Novembru 2016

APRĊIPRIETI ĠODDA FID-DJOĊESI TA’ GĦAWDEX

Illum 4 ta’ Novembru 2016, jum il-mija u ħamsin anniversarju mit-twaqqif tas-Seminarju ta’ Għawdex, l-E.T. Mons. Mario Grech, Isqof ta’ Għawdex, ħatar tliet Arċiprieti ġodda fid-Djoċesi ta’ Għawdex:

•    MONS. JOSEPH CURMI, mill-Parroċċa tat-Twelid tal-Verġni Mqaddsa Marija, ix-Xagħra, sal-lum Vigarju Parrokkjali fil-Parroċċa ta’ San Pietru u San Pawl, in-Nadur, bħala Arċipriet tal-Parroċċa ta’ San Ġorġ, il-Belt Victoria.

•    MONS. JOSEPH SULTANA, mill-Parroċċa tat-Twelid tal-Verġni Mqaddsa Marija, ix-Xagħra, sal-lum Arċipriet tal-Parroċċa tal-Viżitazzjoni, l-Għarb, bħala Arċipriet tal-Parroċċa tal-Assunta fil-Katidral, il-Belt Victoria.

•    MONS. TREVOR SULTANA, mill-Parroċċa ta’ San Ġwann Battista, ix-Xewkija, sal-lum Kollaboratur Parrokkjali fil-Parroċċa ta’ Santa Margerita, Ta’ Sannat, bħala Arċipriet tal-Parroċċa tal-Viżitazzjoni, l-Għarb. Continue reading >>

Maħtura żewġ Vigarji Episkopali

Published on November 4, 2016 in Press Releases.

UFFIĊĊJU KOMUNIKAZZJONI KURJA VESKOVILI TA’ GĦAWDEX
Stqarrija għall-Istampa
4 ta’ Novembru 2016

ĦATRIET TA’ ŻEWĠ VIGARJI EPISKOPALI

Illum 4 ta’ Novembru 2016, jum il-150 anniversarju mit-twaqqif tas-Seminarju ta’ Għawdex, l-E.T. Mons. Mario Grech, Isqof ta’ Għawdex, ħatar żewġ Vigarji Episkopali fid-Djoċesi ta’ Għawdex:

•    MONS. ĠUŻEPPI ATTARD, mill-Parroċċa ta’ San Pietru u San Pawl, in-Nadur, sal-lum Arċipriet tal-Parroċċa tal-Assunta fil-Katidral, il-Belt Victoria, bħala Vigarju Episkopali għall-Katekeżi mal-Adulti, bl-għan li jikkordina l-operat tal-Kunsilli Pastorali Parrokkjali, l-evanġelizzazzjoni tal-adulti, ir-relazzjonijiet ekumeniċi fid-Djoċesi, l-għaqdiet u l-movimenti lajkali, il-promozzjoni tal-formazzjoni teoloġika tal-lajċi, u partikularment jikkordina programm li jgħin fid-dixxerniment tal-koppji f’relazzjoni kumplessa fid-dawl tal-Eżortazzjoni appostolika “Amoris lætitia” tal-Papa Franġisku.

•    MONS. PAWLU CARDONA, mill-Parroċċa ta’ Santa Margerita, Ta’ Sannat, sal-lum Arċipriet tal-Parroċċa ta’ San Ġorġ, il-Belt Victoria, bħala Vigarju Episkopali għall-Kleru, bl-għan li jaħdem biex jibni l-komunjoni presbiterali u jsegwi iktar mill-qrib il-kleru djoċesan. Continue reading >>

ĦATRIET ĠODDA FID-DJOĊESI TA’ GĦAWDEX

Published on November 4, 2016 in Press Releases.

UFFIĊĊJU KOMUNIKAZZJONI KURJA VESKOVILI TA’ GĦAWDEX
Stqarrija għall-Istampa
4 ta’ Novembru 2016

ĦATRIET ĠODDA FID-DJOĊESI TA’ GĦAWDEX

Illum 4 ta’ Novembru 2016, jum il-mija u ħamsin anniversarju mit-twaqqif tas-Seminarju ta’ Għawdex, l-E.T. Mons. Mario Grech, Isqof ta’ Għawdex, qed jagħmel dawn il-ħatriet ġodda fid-Djoċesi ta’ Għawdex: Continue reading >>

Id-Djoċesi ta’ Għawdex tfakkar il-150 Sena mit-Twaqqif tas-Seminarju

Published on November 4, 2016 in Press Releases.

02-logo.jpg

Dalgħodu, waqt pontifikal solenni ta’ radd il-ħajr fil-Katidral ta’ Għawdex, Mons. Isqof Mario Grech fakkar il-150 sena mit-twaqqif tas-Seminarju tad-Djoċesi ta’ Għawdex. Għadd kbir ta’ saċerdoti flimkien mal-istudenti u l-għalliema tas-Seminarju Minuri, ħadu sehem.

Għal din l-okkażjoni, il-MaltaPost ħarġet kartolina u timbru kommemorattivi.

2016-11-04-stqarrija-kartolinautimbru.pdf

150-ann-seminarju-ghawdex-handstamp-v2-131016.pdf

Il-Knisja tifraħ bil-Qaddisin tas-Sema

Published on November 4, 2016 in Homilies.

all-saints-day.jpgOmelija fis-Solennità tal-Qaddisin kollha
Katidral tal-Assunta, il-Belt Victoria
It-Tlieta 1 ta’ Novembru 2016
L-E.T. Mons. Mario Grech, Isqof ta’ Għawdex

AĦNA NISTGĦU NAGĦMLUHA

Niftakar li meta għalaqt għaxar snin bħala isqof, saċerdot li qiegħed l-Awstralja kitibli biljett fejn qalli: “You made it, mate!”. Huma ħafna dawk li f’ħajjithom jistgħu jgħidu: “Għamiltha!”. Fil-fatt, il-qaddisin huma those who made it! Meta nagħmlu l-festa lill-qaddisin kollha f’daqqa, aħna nkunu qegħdin nirrikonoxxu li ħutna li għaddew għall-ħajja ta’ dejjem u nstabu li kienu mħejjija, illum qegħdin igawdu lil Alla wiċċ imb wiċċ. Din hija sejħa tagħna lkoll; aħna msejħin biex nieħdu sehem mill-qdusija ta’ Alla billi minn din id-dinja stess nibdew ngħixu l-ħajja ta’ Alla. Continue reading >>