“Jum mal-Mulej”
L-Azzjoni Kattolika f’Għawdex toffri opportunità ideali għar-Randan f’dal-Ġublew tal-Ħniena: tmin sigħat fil-knisja ta’ Santu Wistin is-Sibt 20 ta’ Frar. Bejn id-9am u l-5pm, membri u le jkollhom talb, tagħlim u riflessjonijiet immexxija minn Mons Ġużeppi Farrugia u Fr Trevor Sultana.
Il-programm ta’ dal-“Jum mal-Mulej” jinkludi Salmi, konferenzi dwar l-Opri tal-Ħniena, il-Ħniena fit-tagħlim ta’ Papa Franġisku u fil-ħajja tad-dixxiplu ta’ Kristu, Quddiesa, Via Sagra, diskussjoni fuq l-Appostolat, ċelebrazzjoni penitenzjali bil-Qrar u anki l-ikel.
Dawk interessati jistgħu jitolbu iktar informazzjoni lil antvassallo@gmail.com.
